120-дан астам қытайлық компания RES 2026 EXPO халықаралық жасыл технологиялар көрмесіне қызығушылық танытты

Көрмеге дайындық аясында Қытай компанияларына арналған арнайы онлайн-вебинар өтіп, оған 120-дан астам кәсіпорын қатысты. Қатысушылар жаңартылатын энергия, су технологиялары, қалдықтарды қайта өңдеу және экологиялық инфрақұрылым салаларындағы шешімдерін таныстырды.

Вебинар барысында шетелдік компанияларға RES 2026 EXPO көрмесіне қатысу мүмкіндіктері, халықаралық серіктестермен B2B және B2G кездесулер өткізу форматтары таныстырылды.

🌍 RES 2026 EXPO көрмесі 2026 жылғы 22–24 сәуірде Астанадағы EXPO халықаралық көрме орталығында өтеді. Іс-шараға 30 елден 300-ден астам компания қатысады деп күтілуде.