Климаттық бейімделу деген не?
Дүниежүзілік метеорологиялық ұйымның (WMO) деректеріне сәйкес, соңғы 50 жылда экстремалды ауа райы құбылыстарының саны 5 есеге артқан. Табиғи апаттардың 90%-дан астамы климат пен ауа райына байланысты.
Осал елдерде бейімделу шаралары қабылданбаған жағдайда климаттық тәуекелдер жыл сайын ЖІӨ-нің 3–5%-ға дейін төмендеуіне әкелуі мүмкін.
Тіпті шығарындыларды жедел қысқартқанның өзінде климат өзгерісінің кейбір салдары қазірдің өзінде болдырмауға келмейді. Сондықтан негізгі міндеттердің бірі - бейімделу.
Климаттың өзгеруіне бейімделу - адамдардың, экономиканың және экожүйелердің қазіргі және болашақ климаттық тәуекелдерге осалдығын азайтуға бағытталған шаралар:
• инфрақұрылымды су тасқындарынан қорғау
• тұрақты ауыл шаруашылығын дамыту
• су ресурстарын тиімді басқару
• ерте ескерту жүйелерін енгізу
Орталық Азия елдері үшін бейімделу - су және азық-түлік қауіпсіздігі, мұздық ресурстарын сақтау және өңірдің экономикалық тұрақтылығын қорғау мәселесі болып табылады.